Breixo Regueira conquistou o Open de Gijón disputado o pasado sábado. O xogador da SD non tivo rival na categoría de individual masculino e gañou todos os partidos en dous sets, sen necesidade de ir a un terceiro. En dobles masculino, Breixo e Paco Domínguez remataron terceiros, logo dun intenso encontro ante a parella asturiana formada por Arturo Martínez e José Vergara, que terminaron gañando por 27-25 e 24-22, privando os lalinenses de acadar a segunda praza. A seguinte cita para a SD chega o vindeiro domingo. Será con motivo do Circuito Nacional Absoluto que se disputará en As Neves. O equipo lalinense estará representado por Breixo Regueira, Luis Angel Veloso, Cristina González e Raquel Miguéns.
