A sección de bádminton retoma o pulso da competición logo da brilante participación no Campionato de España celebrado recentemente en Baleares, que rematou coa consecución do primeiro título nacional para o noso clube, que acadou Alfonso Castelo. Agora, neste fin de tempada, o equipo tentará ir collendo experiencia en torneos de primeiro nivel. Seis xogadores participarán esta fin de semana no Internacional Absoluto de Coimbra "Queima das Fitas". Alí mediránse as mellores raquetas portuguesas. Compre destacar a presenca neste campionato de xogadores da talla de Nuno Santos, Delio Gonçalves, Tomás Nero, Fernando Silva, Filipa Lamy ou Ana Moura, por poñer algúns nomes. Ata a cidade lusa desprazaránse Breixo Regueira, Paco Domínguez, Raquel Miguéns, Adela Batán e Gemma Cardigonde.
