Cristina González xogará a modalidade de Dobles Mixtos
O equipo de bádminton escomenza a tempada este domingo na localidade de Torrelavega (Cantabria) con motivo do V Torneo Internacional de categoría Absoluta. A escadra lalinense estará representada por Luis Veloso e Cristina González. No individual masculino, Luis quedou encadrado no grupo D e terá que enfrontarse a Sergio Caneito (Olimpia Torrelavega) e Julio Fernández (CB Gijón) para acadar a clasificación para a seguinte ronda. En dobles mixtos, Luis e Cristina rivalizarán con outras dúas parellas para superar a primeira fase. Midiránse a Oscar Martínez - Zhao Ming e a Cristhian Hernández - Raquel De la Vega. Neste torneo participan 70 xogadores que representan os seguintes clubes: Bezana, Gijón, Santander, Côte Basque (Francia) Ebro, El Cruce, Oviedo, Pajarillos, Palma de Mallorca, Solares, Astures e Tudela. O obxectivo dos xogadores lalinenses non é outro que ir collendo ritmo de competición de cara a afrontar a primeira proba oficial da tempada, que será o día 1 de novembro, coa disputa do Circuito Nacional Absoluto de Estella (Navarra).
