Breixo Regueira, Luis Veloso e Cristina González ultiman a súa preparación para o Campionato Galego Absoluto, que se disputará o vindeiro día 13 de marzo en As Neves.
Este sábado, os tres xogadores da SD Lalín desprazaránse ata a cidade vallisoletana de Tudela de Duero para disputar unha nova proba do Circuito Nacional. Neste torneo puntuable para o ránking nacional absoluto participarán a friolera de 102 xogadores procedentes de Euskadi, Castela León, Castela A Mancha, Cantabria e Navarra. A modalidade con maior participación será a de individual masculino, onde rivalizarán Regueira e Veloso. En primeira rolda, Breixo enfrontaráse a Iván Díez (Soria). Pola súa banda, Luis Veloso mediráse no primeiro econtro con Javier Ortega (Soria). No individual feminino, Cristina González enfrontaráse a leonesa Esther Pereira. En dobles masculino, Breixo formará parella con xogador de Gasteiz Héctor Tobar. Mentres que Luis Veloso e Cristina disputarán o dobre mixto, onde partirán como cabeza de serie número dous. Luis Manuel González e Sonia Navajo (Castela-León) serán os seus primeiros rivais nesta modalidade.
