A SD Lalín inaugura oficialmente a tempada de ciclismo cunha importante novidade. Por primeira vez contará con representación na modalidade de BTT Rally e máis concretamente na categoría Sub 23. O debutante será Esteban Sánchez, que participará este sábado no VII Trofeo Internacional de Nigrán. O xoven corredor dezano competirá nun pelotón de auténtico luxo, onde destacan a presenza dos portugueses David Rosa, Tiago Ferreira e Mario Costa, da Selección de Portugal. Nesta sétima edición do Internacional de Nigrán tomarán a saída 200 corredores das categorías Elite, Sub 23, Júnior, Cadetes, Féminas, Master e Sénior. A proba é puntuable para o Ránking UCI. A saída de Esteban Sánchez está prevista para as 16.30 horas. Por diante quedan cinco voltas a un percorrido de 5.000 metros cun desnivel acumulado de 310 por volta, e cunha dificultade técnica e física alta. O Trofeo repartirá, ademáis, 1.800 euros en premios.
